"Рома" бош мураббийи Жозе Моуриньо Европа лигаси гуруҳ босқичи 2-тур учрашувида ХИК жамоаси устидан қозонилган ғалаба (3:0) ҳақида фикр билдирди.
- Дибала танаффусдан сўнг дарҳол гол ургани учун босимни олиб ташлади. Ўйлайманки, жамоа иккинчи бўлимга бошқача муносабатда бўлди. Биринчи бўлимда улар майдонда 10 киши бўлган бўлса-да, худди тенг таркибда ўйнадик. Биз жуда пассив эдик. Иккинчи бўлимда муносабат ўзгарди. Биз ўйинни яхшилаш устида ишлаяпмиз ва буни қурилиш босқичида қилишимиз керак. Биз тўп тезлигини оширишимиз керак. Ҳужумчилар анча аниқроқ бўлиши керак, биз жуда кўп имкониятларни қўлдан бой беряпмиз", - деди УЕФА матбуот хизматига.
