Испания терма жамоаси бош мураббийи Висенте дель Боске Европа чемпионати финали олдидан фикрлари билан ўртоқлашди.

"Олдимизда қийин ўйин кутиб турибди. Италия жуда кучли. Мусобақа давомида у сезиларли даражада ўзгарди, янада кучайди. У мусобақани яхши бошлади, янада яхшироқ давом эттирди. Энди эса ундан ҳам яхши ўйнамоқда.

Ҳозир ортга боқиб, гуруҳ босқичидаги ўйинни эслашдан маъни йўқ. Иккала рақибда ҳам имкониятлар тенг. Биринчи ўйин қийин бўлганини мен айтиб ўтган эдим.

Таркибда "чалғитувчи тўққизлик" бўладими? Ҳужумда уч киши ўйнаймиз. Уларга вазият ярата оладиганлар ёрдам берадилар.

Италия терма жамоасини ҳозир ҳимоявий деб бўлмайди, чунки у бундай футбол кўрсатмаяпти. Пирло, Монтоливо ва Маркизио каби ўйинчилари бор жамоанинг ҳар доим ўз усули ва ғояси бўлиб келган.

Финалда жисмоний фактор муҳим роль ўйнайди. Кимнинг тайёргарлиги яхшироқ бўлса, шунинг имконияти кўпроқ бўлади" - дея Дель Боскенинг сўзларини келтиради Marca.