"Бавария" бош мураббийи Юлиан Нагельсманн "Аугсбург"га қарши Бундеслиганинг 7-тури арафасида жамоасининг таркибдаги муаммолари ҳақида гапирди.

"Эрнандес, Коман ва Саррлар таркибда мавжуд эмас. Упамекано яхши. Эҳтиёткорлик мақсадида кеча машғулот ўтказмади, лекин ўйин олдидан якуний машғулотларда қатнашиши керак. Дайо "Аугсбург"га қарши ўйинда майдонга тушади. Худди шу нарса Павардга ҳам тегишли” - деди Нагельсманн матбуот анжуманида.

Эслатиб ўтамиз, "Бавария" айни дамда Бундеслига турнир жадвалида учинчи ўринда бормоқда. Сўнгги икки турда Юлиан Нагельсманн шогирдлари кетма-кет икки бор дуранг ўйнади: аввалига "Берлин Унион" билан ўйинда, кейин эса "Штутгарт" билан ўйинда.