"Манчестер Сити" бош мураббийи Хосеп Гвардиола бугун август ойида Англия Премьер-лигасининг энг яхши футболчиси деб топилган Эрлинг Холандни яна бир бор мақтади.
"Бу ёшда у жуда амбицияли. Эрлинг энг яхшисига интилади. Холанд ажойиб инсон ва у билан ишлаш жуда ёқимли. У аллақачон юқори сифатларга эга”, - деди Гвардиола “Вулверхэмптон”га қарши ўйин олдидан ўтказилган матбуот анжуманида.
Эслатиб ўтамиз, Холанд жорий мавсумда барча турнирларда 9та расмий ўйинда 13та гол урди. Охирги ўйинда норвегиялик футболчи 2020 йилдан 2022 йилгача ўйнаган "Боруссия" жамоасига қарши Чемпионлар лигасида "шаҳарликлар"га ғалаба келтирган голни урди.
