"Атлетико" ҳужумчиси Матеус Кунья Испания чемпионатининг 6-тури доирасида "Реал"га қарши ўйиндан олдин фикрлари билан ўртоқлашди.
“Ҳар дам олиш кунлари шундай учрашувларда қатнашишни истардим. Умид қиламанки, биз муваффақиятга эришамиз, биз "Реал" билан ўйинни интиқлик билан кутамиз, мухлисларни хурсанд қилиш учун қўлимиздан келганини қиламиз. Биз "Реал Мадрид"ни ажойиб жамоа сифатида жуда ҳурмат қиламиз, ишонаманки, улар "Атлетико"ни худди шундай ҳурмат қилишади. Биз қўлимиздан келганини қиламиз ва умид қиламанки, ғалаба қозонамиз", - дея Куньянинг сўзларини келтиради Marca.
23 ёшли бразилиялик бу мавсумда "Атлетико" сафида барча мусобақаларда 5 та ўйин ўтказди ва самарали ҳаракатлари билан ажралиб турмади.
