"Манчестер Сити" бош мураббийи Хосеп Гвардиола ҳужумчи Эрлинг Холанднинг ўйини ҳақида фикр билдирди.

“У ажойиб ҳужумчи, мен буни кўп марта айтганман. Аммо унинг ёшида унинг амбициялари ҳам бор - у яхшироқ бўлишни хоҳлайди ва менимча, у муваффақиятга эришади.

У мураббий учун идеал инсон. У яхши йигит ва бу энг муҳими. Ўзининг фазилатлари туфайли у "Манчестер Сити"га қўшилишдан олдин қилган ишини давом эттирмоқда. Биз алоҳида ҳеч нарса қўшганимиз йўқ", - дея Гвардиоланинг сўзларини келтиради Sky Sports.

Жорий мавсумда Холанд барча мусобақаларда "шаҳарликлар" сафида 9 та ўйинда 13 та гол ва 1 та голли узатмани амалга оширди. Унинг клуб билан шартномаси 2027 йилнинг 30 июнига қадар мўлжалланган.