"Атлетико" ёзда Антуан Гризманн учун "Барселона"га 20 миллион евро таклиф қилганди.
Cadena CER хабарига кўра, Каталония клуби шартнома шартларини айтиб, рад жавобини берган.
Ҳужумчи "Атлетико Мадрид"да "Барса"дан ижара асосида ўйнайди. Агар футболчи икки мавсумда 50 фоиз ўйинда камида 45 дақиқа майдонда ўтказса, Мадрид клуби франциялик футболчини 40 миллион еврога сотиб олиши талаб этилади.
Жорий мавсумда кетма-кет еттита ўйинда Антуан 60-дақиқадан сўнг захирадан майдонга тушди. Тахминларга кўра, "Атлетико" 40 миллионни тўламаслик учун шундай қиляпти.