"Atletiko" yozda Antuan Grizmann uchun "Barselona"ga 20 million yevro taklif qilgandi.
Cadena CER xabariga ko‘ra, Kataloniya klubi shartnoma shartlarini aytib, rad javobini bergan.
Hujumchi "Atletiko Madrid"da "Barsa"dan ijara asosida o‘ynaydi. Agar futbolchi ikki mavsumda 50 foiz o‘yinda kamida 45 daqiqa maydonda o‘tkazsa, Madrid klubi fransiyalik futbolchini 40 million yevroga sotib olishi talab etiladi.
Joriy mavsumda ketma-ket yettita o‘yinda Antuan 60-daqiqadan so‘ng zaxiradan maydonga tushdi. Taxminlarga ko‘ra, "Atletiko" 40 millionni to‘lamaslik uchun shunday qilyapti.