"Арсенал" бош мураббийи Микель Артета ҳимоячи Бен Уайтнинг сентябр ойидаги йиғинда Англия терма жамоасига қўшилмаганига муносабат билдирди.
"Бен қанотда ҳам, ҳимоя марказида ҳам ўйнай олади. Жамоада шундай хилма-хил футболчилар борлиги доим яхши. Бироқ, бу Англия мураббийлар штабининг танлови. Бен ўз имкониятини кутади ва сизни ишонтириб айтаманки, у имкон қадар тайёр бўлади", - дея испаниялик мураббийнинг сўзларини келтиради клуб матбуот хизмати.
Уайт ўтган ёзда лондонликлар сафига келиб қўшилди, у Премьер-лиганинг бошқа клуби "Брайтон"дан кўчиб ўтди. Жорий мавсумда у Премьер-лигада олтита ўйинда майдонга тушди.
