Франция терма жамоаси ва Лондоннинг “Арсенал” клубининг афсонавий ҳужумчиси Тьерри Анри жорий мавсум бошидаги “ПСЖ” ўйини ҳақида ўз фикрлари билан ўртоқлашди.
“Ғайратли изоҳлар билан бироз тинчланиш керак. Галтье жамоани 5-2-3 схемасида қурди, чунки унинг ҳужумида жуда кучли йигитлар бор. Лионель Месси узатмаларни тақсимлайди, Неймар ва Мбаппе эса рақиблардан қочиб кетишади. Улардан ҳимояланиш жуда қийин.
Лекин мен парижликлар ҳақиқатдан ҳам кучли рақибга қарши қандай ўйнашини кўришни истардим. Биз буни фақат Чемпионлар лигасида "Ювентус"га қарши ўйинда кўрдик", деди Тьерри CBS Sports'га.
"ПСЖ"нинг навбатдаги ўйини Франция чемпионатида "Лион"га қарши бўлади. Ўйин 18 сентябрь куни бўлиб ўтади.
