Роберт Левандовски "Барселона" сафида Ла Лиганинг олтита ўйинида учта дубль қайд этди.

Кеча Испания чемпионатининг 6-туридан ўрин олган "Эльче"га қарши ўйинда (3:0) ҳужумчи икки марта - 34 ва 48-дақиқаларда рақиб дарвозасини ишғол қилди.

Бунгача Левандовски "Реал Сосьедад" (4:1) ва "Вальядолид" (4:0) билан ўйинларда иккита гол урганди. "Севилья" (3:0) ва "Кадис" (4:0) билан ўйинларда у биттадан гол урди.

Умуман олганда, ҳужумчи "Барселона" сафида мавсумдаги 8 та ўйинда 11 та гол урган. У Чемпионлар лигаси гуруҳ босқичидаги ўйинда фақатгина "Бавария" (0:2) ва Ла Лиганинг 1-тури доирасидаги "Райо Вальекано" (0:0) ўйинида гол ура олмади.