“Рома” ҳужумчиси Тэмми Абрахам жамоа бош мураббийи Жозе Моуриньо ҳақида гапирди.
“Моуриньо энг яхши мураббийлардан бири. У ҳар бир футболчига қандай ёндашишни билади. Лекин менинг вазиятимда у мени ҳеч қачон мақтамайди. Учрашувлардаги танаффус пайтида мен ундан далда берувчи сўзларни олмайман, гарчи ичимда: "Биласизми, мен майдонда жуда яхши ҳаракат қиляпман" деб ўйласам ҳам. У ҳар доим сизнинг яхшироқ ўйнашингизни хоҳлайди", - деди Абрахам Daily Mail нашрига.
Жорий мавсумда футболчи А Серияда 6 та ўйинда майдонга тушиб, 2 та гол урди ва 1 та голли узатмани амалга оширди.
