“Андижон” – “Бунёдкор” учрашувидан сўнг матбуот анжумани ташкил этилди.

- Ўйин анча оғир бошланди. Бундай иссиқ ҳавода тезкор ва чиройли ўйин кўрсатиш ҳар бир жамоа учун осон бўлмайди. Шунга қарамасдан ўз мақсадимизга эришганимиздан хурсандман. “Андижон” таркиби анчайин ёшарган. Бу йигитларнинг келажаги бор. Уларни жиплаштириш учун вақт керак. Бироқ жамоани буткул ёшлардан тузиб бўлмайди. Таркибга 3-4 нафар тажрибали футболчиларни ҳам қўшиш керак.
Камолиддин Мурзоев қулай вазиятдан фойдалана олмади. Агарда у яратилган вазиятни голга айлантирганида бизга бироз енгилроқ бўлармиди... Стандарт вазиятларини самарали якунладик. Нега ҳужумчилар гол уришмаяпти? Менимча уларни “лимити” якунланди шекилли (кулади). Майдонда 11 киши ўйнайди. Голларни ҳар сафар ҳам ҳужумчилар уравермайди.
Биринчи давра биз учун ҳали якунлангани йўқ. Олдинда “Шўртан”га қарши кубок доирасидаги учрашув кутиб турибди. Шу боис ҳали танаффусга чиқишимизга эрта, - дейди Миржалол Қосимов.