"Бавария" спорт директори Хасан Салихамиджич Бундеслига доирасида кеча "Аугсбург" жамоасига қарши бўлиб ўтган ўйинда (0:1) мюнхенликларнинг мағлубияти ҳақида фикр билдирди.
"Кетма-кет тўртта чемпионат ўйинида ғалаба қозона олмадик. Биз 12 очкодан 3 очкони қўлга киритдик, шунинг учун бироз хавотирдаман. Бугунги кўрсатган ўйинимиз билан Бундеслигада ғалаба қозона олмаймиз. Албатта, жисмонан кучли жамоалар билан муаммоларимиз бор. Интизом борасида ҳамма нарсани ҳал қилмасак, жисмоний формамизни яхшиламасак, ғалаба қозона олмаймиз. Бошқа баҳоналар йўқ, "Бавария" ғалаба қозониши керак" - деди Салихамиджич.
