Ҳимоячи Сержиньо Дест А Серияда “Милан” сафида дебют ўйинида ўз жарима майдончаси ичида қоидабузарлик қилди.
"Барселона"дан ижарага олинган америкалик "Наполи" билан 7-тур ўйинида (1:2) танаффусдан сўнг захирадан майдонга тушди ва 51-дақиқада ярим ҳимоячи Хвича Кварацхелиянинг оёғига зарба берди.
Бош ҳакам Маурицио Мариани видеотакрорни ўрганиб чиқиб, пенальти белгилашга қарор қилди. Неаполликлар ярим ҳимоячиси Маттео Политано пенальтидан тўпни дарвозага жойлаб қўйди.
Шу кунгача Дест "Милан" учун Чемпионлар лигасида иккита ўйин ўтказганди.
