Испания Ла Лигасининг 6-тури доирасидаги сўнгги ўйинда “Атлетико” ўз майдонида “Реал” жамоасини қабул қилиб, 1:2 ҳисобида имкониятни бой берди. Шу тариқа, Диего Симеоне “матрасчилар” бошқарувидаги 408-учрашувини ўтказди, бу эса клубнинг янги рекорди бўлди. Аввалги ютуқ Луис Арагонесга тегишли бўлиб, жамоа унинг бошқарувида 407 та ўйин ўтказган.
Аргентиналик мутахассис 2012 йилда “Атлетико”ни қабул қилиб олган ва икки марта клубни Испания чемпионатида чемпионликка олиб келган ва икки марта жамоани Европанинг энг нуфузли клуб турнири – Чемпионлар лигаси финалига олиб чиққан.
