"ПСЖ" бош мураббийи Кристофф Галтье ярим ҳимоячи Марко Верраттининг жароҳати ҳақида фикр билдирди.
Италиялик футболчи Лига 1 доирасидаги “Лион”га қарши ўйиннинг 64-дақиқасида жароҳат сабабли алмаштирилди.
"У қаттиқ зарбани қабул қилиб олди ва мен унинг аҳволидан хавотирдаман: агар Маркодек одам ўйнашни давом эттира олмаса, демак у ҳақиқатан ҳам жароҳат олган. Эртага у Парижда кўрикдан ўтади", - деди "ПСЖ" устози Галтье матбуот анжуманида.
Марко Верратти жорий мавсумда 11 та ўйинда майдонга тушиб, 1 та голли узатмага муаллифлик қилган.
