Туриннинг “Ювентус” клуби бош мураббийи Массимилиано Аллегри клуб раҳбариятининг ишончини йўқота бошлади. Журналист Антонелло Ангелинининг тарқатган хабарига кўра, “кекса синьора” унга ўринбосар излашни бошлаган.
Журналистнинг сўзларига кўра, жамоа бошқарувига даъвогарлардан бири Москванинг “Спартак” клубиини собиқ устози Массимо Каррера бўлиб турибди. Унинг сўнгги клуби Италиянинг "Бари" клуби эди.
Кеча "Ювентус" "Монца"га 0:1 ҳисобида имкониятни бой берганди. А Сериянинг етти туридан сўнг Турин гранди ўн очко жамғариб, турнир жадвалида саккизинчи ўринни эгаллаб турибди. Чемпионлар лигасида жамоа гуруҳ босқичида иккита мағлубият аламини тотиб кўрди.
