Turinning “Yuventus” klubi bosh murabbiyi Massimiliano Allegri klub rahbariyatining ishonchini yo‘qota boshladi. Jurnalist Antonello Angelinining tarqatgan xabariga ko‘ra, “keksa sinyora” unga o‘rinbosar izlashni boshlagan.

Jurnalistning so‘zlariga ko‘ra, jamoa boshqaruviga da’vogarlardan biri Moskvaning “Spartak” klubiini sobiq ustozi Massimo Karrera bo‘lib turibdi. Uning so‘nggi klubi Italiyaning "Bari" klubi edi.

Kecha "Yuventus" "Monsa"ga 0:1 hisobida imkoniyatni boy bergandi. A Seriyaning yetti turidan so‘ng Turin grandi o‘n ochko jamg‘arib, turnir jadvalida sakkizinchi o‘rinni egallab turibdi. Chempionlar ligasida jamoa guruh bosqichida ikkita mag‘lubiyat alamini totib ko‘rdi.