Машҳур франциялик мутахассис Лоран Блан Греция чемпионатида иш бошлаши мумкин.
Инсайдер Николо Скиранинг маълум қилишича, "Олимпиакос" раҳбарияти 56 ёшли мураббийнинг хизматларига қизиқиш билдирмоқда.
Бланни таклиф қилиш юнон гигантининг яқин келажакдаги устувор мақсади ҳисобланади. Клуб Бланга бир мавсумга узайтириш имконияти билан икки йиллик меҳнат шартномасини таклиф қилишга тайёр.
Олдинроқ “Олимпиакос” жамоа билан 1,5 ой ишлаган Карлос Корберанни истеъфога чиқарганди.
Блан "ПСЖ" ва Франция терма жамоасидаги фаолияти билан танилган. Унинг сўнгги клуби Қатарнинг "Ар-Райан" жамоаси эди.
