Туриннинг "Ювентус" клуби "Шахтёр"нинг собиқ бош мураббийи Роберто де Дзербининг номзодини кўриб чиқди.
The Times нашри хабарига кўра, "кекса синьора" раҳбарияти Массимилиано Аллегри ўрнига 43 ёшли мутахассисни таклиф қилишни ўйлашган. Чунки, Аллегрининг қўл остида жамоа янги мавсумни ёмон бошлаган.
Бироқ, бу масала аниқ музокараларга келмади, чунки кеча де Дзерби Англиянинг "Брайтон" клубига бош мураббий этиб тайинланди. У Лондоннинг “Челси” клубига ўтган Грэм Поттерни ўрнини эгаллади.
А Сериянинг етти туридан сўнг “Ювентус” ўн очко билан турнир жадвалида саккизинчи ўринни эгаллаб турибди.
