Лондоннинг “Арсенал” клуби ярим ҳимоячиси Гранит Жака фаолиятини Италияда давом эттириши мумкин эди. "Рома" бош мураббийи Жозе Моуриньо швейцариялик футболчининг мухлиси ва уни ўз жамоасига қўшиб олмоқчи эди, бироқ Жака Шимолий Лондонни тарк этишдан бош тортди. Бу ҳақда журналист Фабрицио Романо твиттерда хабар берди.
29 ёшли Жака "Арсенал"га 2016 йилнинг ёзида Мёнхенгладбахнинг "Боруссия" клубидан келиб қўшилган эди. Ярим ҳимоячи жорий мавсумда барча мусобақаларда 8 та ўйинда майдонга тушиб, 1 та гол урди ва 3 та голли узатмани амалга оширди. Гранит ва "Арсенал" ўртасидаги келишув 2024 йилнинг ёзига қадар мўлжалланган.
"Арсенал" Англия Премьер-лигасида 7 ўйиндан сўнг 18 очко билан турнир жадвалида пешқадамлик қилмоқда.
