Лондоннинг "Арсенал" клуби ярим ҳимоячиси Гранит Жака 15 ёшли жамоадоши Этан Нванерининг дебюти ҳақида ўз фикрларини билдирди.
"Мен "Брентфорд"нинг бир футболчиси билан ўйин давомида гаплашдим ва унга бу йигит 15 ёшда эканлигини айтдим. У менга: “Жин урсин, биз қариб қолгандекмиз”, деди. Албатта, Нванери билан 15 йиллик фарқимиз бўлса, вақтимиз йўқолмаса ҳам, тугаяпти деб ўйлашимиз мумкин", - деди Жака Sporting News билан суҳбатда.
Англия Премьер-лигасининг 8-тури доирасидаги ўйинда “Брентфорд” ўз майдонида Лондоннинг “Арсенал” клубини қабул қилди. Учрашув "канонирлар"нинг 3:0 ҳисобидаги ғалабаси билан якунланди.
Учрашув якунида майдонга “Арсенал”нинг 15 ёшли футболчиси Этан Нванери тушди. Шу тариқа, ярим ҳимоячи Англия Премьер-лигаси тарихидаги энг ёш футболчига айланди. У 15 ёшу 181 кунлигида миллий чемпионатда дебют қилди.
