Миллатлар лигасининг бўлажак ўйинларида ҳужумчи Эрлинг Холанд Норвегия терма жамоаси сардори бўлиши мумкин.
Журналист Ян Аге Фьортофтнинг сўзларига кўра, агар “Арсенал” ярим ҳимоячиси Мартин Эдегор жароҳатидан фориғ бўлмаса, айнан “Манчестер Сити” ҳужумчиси сардорлик боғичини тақади.
Эслатиб ўтамиз, Холанд жорий мавсумда барча турнирларда 14 та гол урган. Норвегиялик футболчи 11 та гол билан Премьер-лига тўпурарлари пойгасида пешқадамлик қилмоқда. Харри Кейн ва Александр Митрович каби энг яқин таъқибчилари 6 тадан голга эга.
Холанд шу ёзда 75 миллион евро эвазига «Манчестер Сити»га ўтган эди.
