Маурисио Почеттино тез орада Франция чемпионатига қайтиши мумкин. "Ницца" клуби парижликларнинг собиқ устози хизматларига қизиқиш билдирмоқда.
Қайд этилишича, “бургутлар” раҳбарияти жамоага яқинда келиб қўшилган Люсьен Фаврдан норози. Франция ОАВларининг миш-мишларига кўра, аргентиналик мутахассис сешанба куни янги клуб бўйича музокара олиб боради.
Эслатиб ўтамиз, “Ницца” Лига 1нинг жорий мавсумини даҳшатли бошлади.Саккизта жангдан сўнг жамоа 8 очко билан 13-ўринда бормоқда. Ёзда “Ницца” сафига Аарон Рэмси, Николас Пепе, Каспер Шмейхел ва Росс Баркли каби АПЛнинг топ-клубларини собиқ футболчилари келиб қўшилди.
