"Бавария" ярим ҳимоячиси Кингсли Коман жароҳатидан тикланишга яқин турибди. Мюнхен клуби расмий сайти хабар беришича, франциялик футболчи майдонда машғулот ўтказмоқда. Кейинги қадам тўп билан машқ қилиш бўлиши керак.

Эслатиб ўтамиз, Коман мавсум бошида жароҳати сабаб бир нечта учрашувларни ўтказиб юборишга мажбур бўлганди. Жароҳатидан олдин Кингсли Германия Бундеслигасида учта ўйин ўтказди ва у ерда битта гол ва иккита голли узатмани ёзди.

Коман "Бавария"да 2015 йилдан бери ўйнаб келмоқда, у ўша пайтда Туриннинг "Ювентус" клубидан Хосеп Гвардиола жамоасига ўтган эди.