Германиянинг маҳаллий телеканалларидан бири Германия-Италия ўйини пайтида Балотеллининг иккинчи голидан сўнг кўз ёш тўкиб турган немис аёлининг тасвирини бергани боис ўйинни эфирга узатган телеканалдан ва УЕФАдан норозилигини ошкор этди.
Юзига Германия байроғи тимсоли туширилган аёл аслида ўйин бошланиши арафасида, футболчилар майдонга чиқиб келаётганда қувонч кўз ёши тўкканди. Бироқ режиссёрлар Балотеллининг иккинчи голидан кейин ушбу тасвирни қайта намойиш этишди. Худди мухлисларнинг умиди узилди деган маънода. Немис телеканали вакили "УЕФА томонидан жонли репортажга бошқа лавҳаларни қўшиш кечириб бўлмас ҳол" деб фикр юритди. Германия терма жамоаси билан боғлиқ турнирда яна бир ҳолат содир бўлганди. Терма жамоанинг Голландияга қарши ўтказган ўйинолди машғулотларида Йохам Лёв тўп ушлаб майдонга қараб турган болакайнинг секин орқасидан келиб, тўпни уриб юборади. Аммо жонли эфирнинг 22-дақиқасида режиссёрлар ўша лавҳани бериб юборишади. Худди Германия 0-0 ҳисобидан рози, деган маъно келиб чиққанди ўша пайтда.
