“Астон Вилла” ҳимоячиси Люка Динь жароҳат сабабли Франция терма жамоасининг жорий ойдаги ўйинларини ўтказиб юборади.
Аввалроқ Франция терма жамоасининг яна бир қанча вакиллари жароҳат олганди: "Тоттенхэм" дарвозабони Уго Льорис ва "Милан" ҳимоячиси Тео Эрнандес. Дарвозабон оёғини, ҳимоячи эса сонини жароҳатлаган.
Динь аввалроқ жароҳат олган Эрнандеснинг ўрнига терма жамоага чақирилганди. Энди унинг ўрнини "Ренн" ҳимоячиси Адриан Трюфферт эгаллайди.
Франция терма жамоаси 22 сентябрь куни Австрияга, 25 сентябрь куни эса Данияга қарши баҳс олиб боради. Бу Миллатлар Лигасининг учрашувлари бўлади.
