Италиянинг амалдаги чемпиони “Милан” Марко Асенсио ва Ҳаким Зиеш билан алоқаларни давом эттирмоқда.
Кўриниб турибдики, "россонерилар" испаниялик футболчининг жорий мавсум якунида, яъни футболчининг "Реал" билан меҳнат шартномаси якунланганда текинга Миланга кўчиб ўтишидан манфаатдор.
Зиешга келсак, Calciomercato хабарига кўра, "Милан" футболчи билан алоқада бўлиб турибди, чунки Паоло Мальдини қишки трансфер ойнасидаёқ марокашликни қайтадан синаб кўришга умид қилмоқда.
А Сериянинг етти туридан сўнг “Милан” 14 очко билан турнир жадвалида бешинчи ўринда бормоқда. Пешқадам “Аталанта” ва “Наполи” клубларидан уч очко ортда қолмоқда.
