А Серия тартиб-интизом комиссияси Жозе Моуриньони дисквалификация қилиш ҳақида қарор чиқарди.
"Рома" устози битта ўйинни ўтказиб юборади. Шу тариқа, португалиялик собиқ жамоаси – “Интер”га қарши ўйинда мураббийлик ўриндиғида бўла олмайди. Жамоалар октябрь ойининг биринчи кунида “Сан-Сиро”да ўйнайди.
Эслатиб ўтамиз, Жозе Моуриньо "Рома"нинг "Аталанта"га қарши ўйинида қизил карточка олган эди. Португалиялик мураббий ҳакам ишидан норозилигини билдирган.
Қўшимча қиламизки, "Интер" ярим ҳимоячиси Марсело Брозович ушбу чемпионатда бешта сариқ карточка олгани учун бир ўйинга дисквалификация қилинди. У “Рома”га қарши ўйинда жамоасига ёрдам бера олмайди.
