"ПСЖ" "Милан" футболчиси Рафаэль Леау учун курашга қўшилишга тайёр.
Le10sport нашри тарқатган маълумотга қараганда, парижликлар футболчини Килиан Мбаппенинг ҳужумдаги асосий ёрдамчиси ёки агар франциялик футболчи жамоани тарк этишга қарор қилса, унинг ўрнига ўринбосар сифатида кўрмоқда.
Аввалроқ инглиз ОАВларида футболчига "Манчестер Сити"дан қизиқиш борлиги ҳақида хабарлар тарқалган эди. Transfermarkt портали футболчининг нархини 70 миллион еврога баҳоламоқда.
Футболчининг "Милан" билан амалдаги шартномаси 2024 йилнинг июни охиригача тузилган. Сўнгги маълумотларга кўра, миланликлар янги шартнома бўйича музокаралар олиб бормоқда. Италиянинг La Gazzetta Dello Sport нашри хабарига кўра, ҳужумчи "россонерилар" сафида қолиши мумкин.
