"Пахтакор" клуби расмий сайтининг хабарига кўра, Ўзбекистон Кубоги нимчорак финалининг жавоб учрашуви санаси ўзгарган.
Наманганнинг "Навбаҳор" жамоасига қарши ўтказиладиган беллашув 5 июль эмас, балки 4 июль санасида "Жар" стадионида бўлиб ўтади.
Учрашув соат 19:00да бошланиши мўлжалланган. Шунингдек, чорак финалнинг биринчи баҳсида жамоамиз сафарда тўқнаш келиши мумкин бўлган "Олмалиқ" - "Андижон" жуфтлиги ғолиби билан биринчи беллашув 8 июль куни ўтказиладиган бўлди.
Эслатиб ўтамиз, "Навбаҳор" билан меҳмондаги ўйинда "Пахтакор" 2:1 ҳисобида зафар қучган.
