"Манчестер Юнайтед"нинг янги футболчиси Мартин Дубравка Криштиану Роналду билан учрашиши ҳақида гапирди.

33 ёшли словакнинг сўзларига кўра, португалиялик биринчи бўлиб сўз бошлаган ва дарвозабондан оиласи ҳақида сўраган.

“Машғулотдан олдин ва ундан кейин - спорт залида суҳбатлашиш имконига эга бўлдик. Криштиану мендан оилам, қаерда яшаётганим ва шунга ўхшаш бошқа нарсалар ҳақида сўради.

У қизиқиш кўрсатди ва у биринчи бўлиб мулоқотни бошлади. Мен унинг мухлиси бўлиб, тўғридан-тўғри унинг олдига боришни хоҳламадим. У билан суҳбатлашиш жуда ёқимли бўлди", - дея дарвозабоннинг сўзларидан иқтибос келтиради Словакиянинг Sport газетаси.

Ўтган мавсумда словакиялик дарвозабон "Ньюкасл" сафида барча мусобақаларда 27та ўйинда майдонга тушиб, 36та гол ўтказиб юборди ва 8та қуруқ ўйин кўрсатди.