"Manchester Yunayted"ning yangi futbolchisi Martin Dubravka Krishtianu Ronaldu bilan uchrashishi haqida gapirdi.
33 yoshli slovakning so‘zlariga ko‘ra, portugaliyalik birinchi bo‘lib so‘z boshlagan va darvozabondan oilasi haqida so‘ragan.
“Mashg‘ulotdan oldin va undan keyin - sport zalida suhbatlashish imkoniga ega bo‘ldik. Krishtianu mendan oilam, qayerda yashayotganim va shunga o‘xshash boshqa narsalar haqida so‘radi.
U qiziqish ko‘rsatdi va u birinchi bo‘lib muloqotni boshladi. Men uning muxlisi bo‘lib, to‘g‘ridan-to‘g‘ri uning oldiga borishni xohlamadim. U bilan suhbatlashish juda yoqimli bo‘ldi", - deya darvozabonning so‘zlaridan iqtibos keltiradi Slovakiyaning Sport gazetasi.
O‘tgan mavsumda slovakiyalik darvozabon "Nyukasl" safida barcha musobaqalarda 27ta o‘yinda maydonga tushib, 36ta gol o‘tkazib yubordi va 8ta quruq o‘yin ko‘rsatdi.
