"Реал Мадрид" ярим ҳимоячиси Марко Асенсио ўзига "Барселона" қизиқаётгани ҳақидаги маълумотларга муносабат билдирди. 26 ёшли испанияликнинг "қаймоқранглилар" билан шартномаси келаси йили якунига етади.
“Мен ҳеч нарса ҳақида ўйламаган эдим. Бу мен учун муҳим йил. Мен ҳозирги замонда яшайман. Мен ушбу ойларга эътибор қаратмоқчиман, "Реал Мадрид"да бор кучимни бериб, терма жамоага ажойиб жаҳон чемпионати ўтказишига ёрдам бермоқчиман. "Барса"га ўтишми? Мен бор эътиборимни бугунги кунга қаратганман ва бор кучимни терма жамоа ва клубимга бераман. Мен сизга жавоб бера олмайман. Бугун эрталаб менда 200 та хабар бор эди. Мен миш-мишлар кўп бўлган дунёда яшайман. Бу нормал ҳолат, чунки январда исталган клуб билан шартнома имзолашим мумкин. Биз назорат қила олмайдиган вазиятга тушиб қолдик", - дейди Асенсио.
Асенсио жорий мавсумда тўртта ўйинда майдонга тушди, бироқ жами атиги 47 дақиқа ўйнади. Transfermarkt портали Испания терма жамоаси футболчисининг нархини 40 миллион еврога баҳоламоқда.
