"Торино"нинг собиқ устози Морено Лонго Италия чемпионатининг иккинчи дивизионида ҳаракат қилаётган "Комо"ни бошқарди, деб хабар беради La Gazette Dello Sport.
46 ёшли мутахассис клуб билан икки йиллик шартнома имзолади.
Жамоа мавсумни омадсиз бошлади - бирорта ҳам ғалаба йўқ, олти ўйинда учта дуранг ва уч мағлубият, Б серия жадвалида 19-ўрин.
Эслатиб ўтамиз, Франция терма жамоасининг собиқ ҳужумчиси Тьерри Анри шу ёзда Италия иккинчи лигасидан "Комо"нинг эгаларидан бирига айланганди.
45 ёшли француз ҳозирда клубнинг миноритар акциядори бўлиб, уни "Арсенал"даги собиқ жамоадоши Франсеск Фабрегас қўллаб-қувватламоқда.
