Буюк Британия мезбонлигидаги катта дубулға туркумига кирувчи теннис турнирида нимчорак финалга қадар етиб борган ҳамюртимиз Денис Истомин, шу босқичга келиб мусобақа билан хайрлашадиган бўлди.

Тўртинчи босқичда россиялик Михаил Южнийга қарши кортга чиққан Денис 4 соату 17 дақиқа давом этган беш сет натижасига кўра, имкониятни бой бериб қўйди: 3/6, 7/5, 4/6, 7/6, 5/7.

Охирги сетнинг сўнгги геймига қадар томонлар ўз геймини ютиб келишаётганди. Бироқ Дениснинг асаблари дош бермади ва у ўз геймида бирорта ҳам очкони юта олмай мусобақа билан хайрлашишга мажбур бўлди. Чорак финалга йўл олган Южний эса биринчи бўлиб бу йўлланмани қўлга киритган Роже Федерерга қарши кортга тушадиган бўлди.