"Монца" ҳимоячиси Андреа Раноккья нима учун шартнома имзолаганидан кейин уч ой ўтиб клубни тарк этгани маълум бўлди. Июль ойида 34 ёшли италиялик Италия чемпионати дебютанти билан икки йиллик шартнома имзолаганди.
2022/23 йилги мавсум бошида Раноккья жароҳат олди ва бир неча ойга сафдан чиқди.
Calciomercato хабарига кўра, футболчи реабилитациядан ўтаётган вақтда клуб унга маош тўлашни истамаган.
Раноккья "Монца" учун 2 та ўйин ўтказишга муваффақ бўлди. Жорий мавсумда клуб 4 очко жамғариб, А Серияда 18-ўринни эгаллаб турибди.
