Лондоннинг “Тоттенхэм” ва Франциянинг “ПСЖ” клубларидаги фаолияти билан танилган аргентиналик мутахассис Маурисио Почеттино АПЛга қайтишни истамоқда. Бу ҳақда ESPN нашри хабар тарқатмоқда.
Манбанинг хабарига кўра, 50 ёшли мураббий "Ницца"да иш бошлаши мумкинлиги ҳақида тарқалган миш-мишларга қарамай, Премьер-лига клубларидан тушган таклифларни кўриб чиқишга тайёр.
Почеттино Премьер-лигада катта тажрибага эга. У 2014 йилдан 2019 йилгача "Тоттенхэм"ни бошқарган. Аргентиналик мураббий қўл остида пойтахтликлар 132 ғалабага эришган, 61 учрашув дуранг билан тугаган ва 63 та мағлубият аламини тотиб кўрган.
