Франция терма жамоаси бош мураббийи Дидье Дешам Миллатлар лигаси гуруҳ босқичидаги бўлажак ўйинлар ҳақида гапирди.
"Бизнинг вазифаларимиз нима? Мувозанат топиб, яхши футбол кўрсатиб, натижага эришишимиз керак. Терма жамоага 23 нафар футболчини чақирдим, уларнинг ҳар бирига ишонаман. Асосий мақсадимиз қуйи лигага тушиб қолмаслик учун қолган ўйинларда ғалаба қозониш. Шунингдек, янги ўйинчиларни кўриб чиқиш жуда муҳим", - деди Дешам мамлакат футбол федерацияси матбуот хизматига.
22 сентябрь куни Франция терма жамоаси Австрия термаси билан учрашса, бир неча кундан кейин Дания билан ўйнайди.
Гуруҳда французлар икки очко жамғариб, сўнгги ўринда бормоқда.
