Fransiya terma jamoasi bosh murabbiyi Didye Desham Millatlar ligasi guruh bosqichidagi bo‘lajak o‘yinlar haqida gapirdi.
"Bizning vazifalarimiz nima? Muvozanat topib, yaxshi futbol ko‘rsatib, natijaga erishishimiz kerak. Terma jamoaga 23 nafar futbolchini chaqirdim, ularning har biriga ishonaman. Asosiy maqsadimiz quyi ligaga tushib qolmaslik uchun qolgan o‘yinlarda g‘alaba qozonish. Shuningdek, yangi o‘yinchilarni ko‘rib chiqish juda muhim", - dedi Desham mamlakat futbol federasiyasi matbuot xizmatiga.
22 sentyabr kuni Fransiya terma jamoasi Avstriya termasi bilan uchrashsa, bir necha kundan keyin Daniya bilan o‘ynaydi.
Guruhda fransuzlar ikki ochko jamg‘arib, so‘nggi o‘rinda bormoqda.
