Миланнинг “Интер” клуби раҳбарияти бугун жамоа бош мураббийи Симоне Индзаги билан учрашув ўтказиб, жамоанинг мавсум стартидаги муваффақиятсиз ўйинларини муҳокама қилишади.
Эслатиб ўтамиз, “нерадзуррилар” етти турда учта мағлубият билан А Серияда еттинчи поғонада бормоқда.
La Gazzetta dello Sport нашри хабарига кўра, Индзаги билан учрашувда бош директор Жузеппе Маротта бошчилигидаги "Интер" раҳбарияти жамоанинг мавсум бошида дуч келган асосий муаммоларини аниқлашга ҳаракат қилади. "Нерадзурри" хўжайини Стивен Жан йиғилишда қатнашмайди, бироқ халқаро танаффусдан сўнг Италияга учиб боради.
“Интер” кейинги икки учрашувини “Рома” ва “Барселона” каби жамоаларга қарши ўтказади.
