"Барселона"нинг собиқ футболчиси Давид Вилья жамоага янги келган Роберт Левандовскини мақтади. Польяк шу йилнинг ёзида 45 миллион евро эвазига каталонияликлар сафига ўтган эди.
Вилям Cadena Cer нашрига берган интервьюсида ҳатто мослашиш даврида ҳам Левандовскидек футболчи клубга натижа келтиришини айтди.
“Роберт сўнгги йиллардаги энг яхши ҳужумчилардан бири. Мослашув - бу мажбурий давр, аммо унга ўхшаган иқтидор ҳамма жойда ўйнай олади".
"Левандовски жуда иқтидорли ва тажрибали, шунинг учун у мослашиш даври қанча давом этишидан қатъий назар натижаларни кўрсатишда давом этади", - дея тушунтирди Вилья.
Левандовски жорий мавсум 8 учрашувда 11 та гол урди ва 2 та голли узатмани амалга оширди.
