Туриннинг “Ювентус” клуби ва Италия терма жамоаси футболчиси Леонардо Бонуччи ўз ўйинларини давом эттирмоқда ва италияликлар Қатардаги жаҳон чемпионатини ўтказиб юборишга мажбур бўлишса ҳам, терма жамоага ёрдам беришга тайёр. Бонуччи агар таклиф қилинса, миллий терма жамоада ўйнашини айтди.
"Ўн икки йилдан бери терма жамоада ўйнаяпман. Менга муҳит ёқади, терма жамоада бошқача, ўн кундан бери биргамиз. ЖЧ-2026да иштирок этишимни ҳозирча айта олмайман, аммо жамоа устози қўнғироқ қилса, доим рози бўламан", - дея футболчининг сўзларини келтиради ITASportPress.
