Эртага, 4 июль куни "Пахтакор" чорак финалга чиқиш учун "Навбаҳор" билан майдонга тушади.
Ҳозирга қадар бу жамоалар мавсумда икки бор тўқнаш келиб улгуришди. Кубокнинг биринчи учрашувида Косонсойда футболчиларимиз 2:1 ҳисобида ғалаба қозонишганди. 11-турда эса олий лига беллашувида Тошкентда жамоамиз яна шундай ҳисобда зафар қучди.
Кубок баҳсида дисквалификация сабабли майдонга тушмайдиган футболчилар йўқ. Демак, ҳар икки жамоа бор маҳоратини намойиш этиш учун яхши имкониятга эга. Учрашув чоршанба куни "Жар" стадионида соат 19:00да бошланади. Ўйинни бевосита стадионда кузатиш учун барча ишқибозларни таклиф этамиз.
«Пахтакор» - «Навбаҳор»
Ҳакамлар: Азиз Асимов (Тошкент), Маҳмуд Шарипов (Бухоро), Абдураҳмон Қўлдошев (Бухоро), Дмитрий Пислегин (Тошкент).
Назоратчи: Владимир Штерн (Тошкент).
