"Реал" "Барселона"нинг бу мавсумда ўтган мавсумдагидан анча кучли бўлишига ишонмоқда. Marca нашри хабарига кўра, "қаймоқранглилар" Ла Лига чемпионлиги учун жуда қийин кураш олиб боради.
"Реал" футболчилари чемпионлик олтин медалларини ҳимоя қилиш учун 90 очко етарли бўлишига ишонишади. Эслатиб ўтамиз, 6 турдан кейин "қаймоқранглилар" максимал очко жамғариб, турнир жадвалида "Барселона"дан икки очкога олдинда бормоқда.
Мадриднинг “Реал” клуби халқаро танаффусдан сўнг чемпионатдаги навбатдаги ўйинини “Осасуна”га қарши ўтказади. Ўтган турда "қаймоқранглилар" сафарда "Атлетико"ни 2:1 ҳисобида мағлуб этишди.
