Лондоннинг “Челси” ва “Арсенал” клублари орқали АПЛда тўп сурган бразилиялик ярим ҳимоячи Виллиан футболчилик фаолиятини қачон якунлашни режалаштираётгани ҳақида фикр билдирди.
"Мен қанча вақт ўйнайман? Билмайман, тахминан 39-40 ёшгача. Йилдан-йилга аста-секин ҳаракат қилиб бораман, гарчи 40 ёшда АПЛда ўйнаш жуда қийин бўлсада. Аммо Тиаго Силвага қаранг, у 38 ёшда ва ажойиб ҳаракат қилмоқда. Унинг намунаси мени илҳомлантиради", - деди 34 ёшли "Фулхэм" футболчиси The Athletic билан суҳбатда.
Виллиан ёзги трансфер ойнасида Туманли Альбионга қайтди ва "Фулхэм" билан шартнома имзолади. Унинг шартномаси 2023 йилнинг ўрталарига қадар тузилган.
