Ҳужумчи Тимо Вернер Лондоннинг “Челси” жамоасида ўйнаган даврида голсиз серияга дуч келди. Немис футболчиси жамоа бош мураббийи бўлган Томас Тухель унга қандай маслаҳатлар бергани ҳақида гапирди.
“Тухель менга шундай деди: Олти ёшлигингдан бери гол урдинг. Сенинг бошинг ва тананг буни қандай қилишни билади. Бу сен билан кечки овқатни истамайдиган аёлга ўхшайди. Сен уни мажбурлай олмайсан. Орқага бир қадам ташла ва у сенга ўзи қўнғироқ қилиши мумкин", деди Вернер Германия футбол ассоциацияси матбуот хизматига.
Эслатиб ўтамиз, Тимо Вернер ёзги трансфер ойнасида "РБ Лейпциг"га қайтган эди.
