Hujumchi Timo Verner Londonning “Chelsi” jamoasida o‘ynagan davrida golsiz seriyaga duch keldi. Nemis futbolchisi jamoa bosh murabbiyi bo‘lgan Tomas Tuxel unga qanday maslahatlar bergani haqida gapirdi.
“Tuxel menga shunday dedi: Olti yoshligingdan beri gol urding. Sening boshing va tanang buni qanday qilishni biladi. Bu sen bilan kechki ovqatni istamaydigan ayolga o‘xshaydi. Sen uni majburlay olmaysan. Orqaga bir qadam tashla va u senga o‘zi qo‘ng‘iroq qilishi mumkin", dedi Verner Germaniya futbol assosiasiyasi matbuot xizmatiga.
Eslatib o‘tamiz, Timo Verner yozgi transfer oynasida "RB Leypsig"ga qaytgan edi.
