"Манчестер Сити" ярим ҳимоячиси Риёд Махрез фаолиятининг охиригача клубда ўйнашни истаётганини айтди.
"Иложи борича узоқроқ ўйнаб, фаолиятимни "Манчестер Сити"да якунламоқчиман. Кўрамиз, футболдан кейин мени келажакда нима кутмоқда. Билмайман, ҳали ҳам ўйлаяпман. Мен ҳар доим ушбу спорт турида муваффақият қозонишни хоҳлаганман, бу менинг мақсадим эди, футболни тарк этиш қийин бўлади", - деди Махрез.
31 ёшли жазоирлик футболчи 2018 йилда "Лестер"дан "Манчестер Сити"га ўтган эди. Унинг амалдаги шартномаси 2025 йилгача мўлжалланган. Transfermarkt портали футболчининг нархини 35 миллион еврога баҳоламоқда.
Жорий мавсумда Махрез “шаҳарликлар” сафида барча мусобақаларда 9та ўйин ўтказди.
